【美国直击】Acer 全新 PC 列阵借机狂串对手【美国直击

Switch Alpha 12以 Surface 平板电脑般的观示人，採用了Core i7 处理器，新的冷却系统採用无风扇设计，官方用「水冷」去形容，不过实际上係用热力推动，说穿了即係热导管或均热板原理。

另一款新推出的 Aspire S13 个样有点似 HP 部新机的机背斜边位，机身只有 0.57 吋厚度，係暂时机身最薄，但同时具备 Dolby Audio 声效及触控功的机种，市场售价为 699 美元（约$5,500），仲宣称比对手平一半有多。

讲完家用机，Acer 亦宣布推出 Chromebook 14 for Work，针对商用市场，机身具备有 Gorilla Glass机面设计，同时可以为客户自订图案，加上通过军规测试，出外应用就最适合不过啦。

家用Notebook、商用产品都讲完，就连打机电脑都带埋出黎，现场就宣布推出一款细机身的 Desktop 产品 Predator G1，虽然机身细小，不过却係行 Geforce GTX Titan X，劲喇挂。

讲左打机 Desktop 又点可以无打机，呢款 Predator 17X Gaming Notebook，点都要标榜下可以帮 CPU 超频，同时配备有 GTX980（并非 M 版）显示卡，两部游戏新机同样具备 VR Ready，俾大家更加放心买咁话！至于温度方面，内置有三风扇散热，仲要讲句唔使用水冷都做得到，真係明串同样係台湾既竞争对手啦…CEO 抽完水都唔够，仲要话係「More Logical Device。」咁话，好叻叻啦！

Predator 17X 超频效能表现。